امنيه حياتي

رواية أمنيتي كاملة جميع الفصول بقلم سمية عامر

انا هتجوز يا أمنية

ضحكت على كلامه واحنا في الكافيه : تتجوز و مين هتستحملك غيري

قالها حسام تاني وهو بيتكلم بجد : انا هتجوز بجد امي مصممه اخد بنت اختها ريم

أمنية :انت قصدك ريم صاحبتي طب وانا …و علـ,,ـاقتنا و حب ال 4 سنين

حسام ببرود : انا محبتكيش و كمان ده كان مجرد وقت فراغ بنقـ,,ـضيه سوا و كل شئ قسمه و نصيب

مسكت أمنية العصير و قعدت تشرب فيه بكل برود وهي بتشاور للراجل اللي بيقدم الطلبات

وصل الراجل عند الترابيزة

أمنية : بقولك يا عسل عندك عندك ميه بسكر

الجرسون : اه يا فندم

كملت كلامها وهي بتبص لحسام : طب هات كوباية هنا للبيه عشان وشه اصفر و مش عارف يقول الكلمتين اللي حافظهم

وجهت كلامها لحسـ,,ـام بعد الجرسون ما مشي : فاكرني همـ,,ـوت عليك د انت كلك على بعضك يدوب تيجي تتكلم تتهته ..من امتى طلعلك صوتك و بعدين ما تتجوز و لا تتنيل انا مالي

حسام بقلق و برود : انتي مش فارق معاكي للدرجه دي ..هيبقى سهل بالنسبالك كل السنين دي

أمنية وهي بتكمل شفط العصير : يابني انا كنت شايفاك اختي المهم دلوقتي قبل ما تتجوز ابقى عرفها اني كنت بحضرلك الرضـ,,ـعة و اوعى تفتكر اني كنت بموت عليك و هعيط و كده لا اوعى تنسى نفسك يا حسام د انا اللي كنت بقولك تقول ايه لما كنت بتكلم امك انا بابا يلاااا

قامت أمنية و خدت شنطتها وهي بتشاور للجرسون : اقفل ع الميه بسكر يا دفعة ده محتاج ريدبول يداري بيه خيبته

ضحك كل اللي في الكافيه و اتحرج حسام و خبى وشه

خرجت أمنية من الكافيه و عيطت وهي بتحط ايديها على بوقها عشان محدش يسمعها و كل ذكرياتهم بتيجي على بالها من وقت ما كان بيشرحلها دروسها لحد ما بقى دكتور في الجامعة وفضلت معاه خطوة بخطوة كانت معاه لحد ما وقف على رجله و بدأ ياخد خطوات جريئة في حياتة و تقريبا أول خطوة خدها أنه سابها

فضل حسام قاعد شويه على جنب وهو زعلان على الفضيحه اللي سببتهاله

رن تليفونه كانت ريم بنت خالته

ريم : ايه يا حسام كلمتها

حسام : اه يا حبيبي كلمتها و نهيت معاها كل حاجه متقلقيش

ريم بمياصة : احسن و هتيجي لبابا امتى

حسام : انا كلمت عمي من بدري يا ريم وهو عارف كل حاجه

ريم بزهق : قصدي المهر و المقدم و الشبكه لازم تتكلم فيهم مع بابا

حسام : اه هحدد معاد معاه و اجيله

كانت أمنية سامعة كل الكلام ده لأنها واقفه في الجنينه جنب الترابيزة بتاعته و كانت بتعيط

قامت مسحت دموعها و مشيت بعد ما عرفت انهم كانوا بيلعبوا عليها ركبت تاكسي و اتصلت على صاحبتهم التالته مريم

أمنية بهدوء : مريم ازيك عامله ايه

مريم بقلق : صوتك مالو يا أمنية انتي كنتي بتعيطي

أمنية : لا يا روحي اعيط ليه بقولك ايه البت ريم النادلة دي مبتكلمنيش خالص هي متخانقة مع الاكس ولا ايه

مريم : متخانقة مع مين يا بنتي دي طلعت كانت بتحور علينا و مفيش اكس دي بتحب ايان ابن عمها وهو منفضلها و بتاع بنات

ضحكت أمنية بخبث و مثلت أنها زعلانة : يا حرام زعلت عليها طب بقولك ايه ابعتيلي رقمه و رقم هيثم اخوها و رقم ابوها اهو الواحد يعرف ينقي منهم

مريم وهي مش سامعة كويس: ايه بتقولي ايه

أمنية : العب بالية …. ابعتي ابعتي …..

#سمية_عامر

الفصل الثاني من هنا

رواية أمنيتي الفصل الثاني

نزلت أمنية من التاكسي دخلت بيتهم وعلى ملامحها واضح الحزن و العياط

وقفتها امها وهي قلقانة : ايه يا حبيبتي مالك كنتي بتعيطي ولا ايه

أمنية : لا يا ماما انا بس عاوزة انام شويه

دخلت على اوضتـ,,ـها بسرعة من غير كلام

كان ابوها في اوضته قاعد بيقرأ قرأن خرج لما سمع صوتها : ايه يا ام أمنية البت فين مش هي جات مدخلتليش ليه زي كل يوم

امها : مش عارفة مالها يا عاصم شكلها كانت بتعيط

عاصم : طب انا داخل اشوفها و اعمليلها الشاورما اللي بتحبها

دخل ابوها عليها وحط المصحف على المكتبه بتاعتها

أمنية : بابا يا قمر ايه النور اللي دخل عليا ده تعالى خد بوـ,,ـسه

ضحك ابوها و قعد جنبها عالسـ,,ـرير : مالك بقى بتعيطي ليه ليكون سابك

ضحكت أمنية : مالك يا حاج انت مش عارف بنتك ولا ايه

عاصم : لا عارفها و انا قولتهالك زمان انتي مش بنتي انتي صاحبتي و انا هدعمك في اي قرار تاخديه كفايه انك تكوني مبسوطة

حضنته أمنية و غمضت عينيها : انت ازاي حلو كده يا عجوز انت

ضربها على راسها براحه : انا عجوز طب والله من بكره هجيبلك اخت تانيه تغيريلها البامبرز

دخلت امها : طب ما انتو بتضحكوا اهو امال منكدين عليا ليه في المطبخ انا مش هعمل اكل اطلبوا جاهز

عاصم : احلى اكل جاهز يجي حالا لاجل عيون أمنية

ضحكت أمنية و باستهم و قالت إنها هتنام شويه لحد ما الاكل يوصل

اول ما خرج ابوها و امها فتحت تليفونها و بصت في المراية اللي قدامها و ابتسمت : اما نشوف يا ريم كما تدين تدان وانا مش هشيل كل الدين لوحدي

فات شهرين و مفيش اي اخبار عن حسام ولا ريم

كانت مريم كل يوم تتصل على أمنية عشان تقولها عن ريم و حسام بس مكانتش بترد اللي خلى مريم تروحلها بيتها تتطمن عليها

فتحت أمنية الباب وهي بتتاوب : مريم ازيك ادخلي

مريم باستغراب وهي بتدخل : انتي فينك الفترة دي كلها يا بنتي معرفتش اللي حصل

أمنية : ايه اللي حصل

مريم بحزن وهي بتمسك ايديها : بكره فرح حسام و ريم

أمنية وهي بتمثل الحزن : حسام و ريم ازاي انا مش مصدقة لا

مريم حضنتها جامد : والله انا لما عرفت قطعت علاقتي بيها دي ندلة معندهاش عزيز

أمنية وهي بتلوي بوزها و بتشـ,,ـتم مريم في سـ,,ـرها : اه يا بومه انتي التانيه فكراني مش عارفة انك انتي اللي محرضاها و جايه تشوفي انا عارفة ولا لا عشان تشمتي فيا

بعدت مريم عنها شويه و نزلت أمنية دمعتين : انا زعلانة حقيقي اهئ اهئ همـ,,ـوت من الزعل

مريم بحزن : متزعليش اصلا ميستاهلكيش